Buxgalteriya autsorsingining afzalliklari

Kompaniyaning autsorsingga o‘tish qarorini bevosita rahbar qabul qilishi kerak. Chunki ko‘plab tashkiliy masalalar, biznes funksiyalar, buxgalteriya hisobi va hisobot yuritish ishlarini autsorsing kompaniyasi o‘z zimmasiga oladi.

Xo‘sh, buxgalteriyani autsorsing qilishning afzalliklari nimada va nima uchun bu yo‘nalish mashhurlikka erishmoqda?

1. Operativ samaradorlik

Buxgalteriyani autsorsing qilish bu tajribali va malakali mutaxassislarni – bosh buxgalter, buxgalter-konsultant, auditor, kadrlar bo‘limi boshlig‘i va boshqa mutaxassislarni o‘z ichiga olgan mexanizmdir. Ular buxgalteriyaning barcha yo‘nalishlarida uzluksiz nazoratni ta’minlaydi.

2. Kadrlar bilan bog‘liq muammolar yo‘qligi

Kompaniya autsorsingga o‘tganida, shtat buxgalterini yollashga hojat qolmaydi. Rahbar quyidagi muammolarni bilmaydi: buxgalter kasal bo‘lib qoldi, dekretga chiqdi, ta’tilga chiqqani sababli ish haqini hisoblamadi va hokazo.

3. Hisob sifati

Bu eng asosiy afzallikdir. Nega har bir autsorsing kompaniyasi mijozi sifatli buxgalteriya hisobi va hisobotini oladi? Sababi – xizmat sifati quyidagilarga bog‘liq: keng bilimga ega bo‘lgan malakali mutaxassislar, funksiyalarni to‘g‘ri taqsimlash, hisob jarayonlarini avtomatlashtirish.

4. Tarif bo‘yicha to‘lov

Autsorsing kompaniyasi mijozi har doim qanday xizmat, qanday hajmda va qanday tarif asosida buyurtma berganini, narxini va bu narx evaziga nimalar olishini aniq biladi.

5. Moliyaviy kafolatlar

Har bir yirik autsorsing kompaniyasi o‘zining professional javobgarligini sug‘urtalashi shart. Agar autsorsing kompaniyasi xatoligi tufayli mijoz pul yo‘qotsa, sug‘urta zarur bo‘ladi. Bu esa odatdagi shtat buxgalteriga nisbatan asosiy ustunlik hisoblanadi.